Carrera armamentista

Una guerra armamentista o. (carrera armamentística) tien llugar cuando munchos países anden a la tema ente ellos pa desenvolver les fuercies armaes más poderoses y les armes más eficaces. El conceutu xeneralizóse p'aludir en teoría de xuegos, evolución y otres disciplines a un tipu d'interacción estratéxica que nun tien otra meta que la de degolar al adversariu.

Por estensión, el términu de "carrera armamentista" designa toa circunstancia onde dos grupos opuestos (por casu, especies biolóxiques), tomen socesivamente midíes y contra-midíes, unu respondiendo al otru. Un exemplu d'esti sentíu del términu ye la respuesta d'un inseutu a les defenses químiques d'una planta. L'inseutu desenvuelve la capacidá d'esaniciar les toxines y, de la mesma, la planta produz nueves, etcétera. Esti fenómenu adaptativu ye conocíu como Hipótesis de la Reina Colorada y foi formuláu en 1973 por Leigh Van Valen.

A principios del sieglu XX, les tensiones ente potencies industriales n'Europa conducieron a una carrera armamentista. Esos países aumentaron los sos efectivos y la capacidá de los sos arsenales al puntu que, al desencadenase la Primer Guerra Mundial, la violencia y l'intensidá de los combates sorprendió a la mayoría de los xefes políticu y militar implicaos nel conflictu.